ლუი საას მიაჩნია, რომ ლუი ვან გაალი უეინ რუნის, რობინ ვან პერსისა და რადამელ ფალკაოს ძირითადში გამწესებას მოახერხებს.

"რა თქმა უნდა ერთ შემადგენლობაში თამაში შეუძლიათ. რუნი და ვან პერსი უფრო უნივერსალური ფორვარდები არიან, რომელთაც სამ თავდამსხმელიან ტაქტიკაში ფლანგებზე თამაში შეუძლიათ. ასევე შეუძლიათ სიღმეში შეიწიონ და ფალკაო გამოკვეთილ ცენტრალურ ფორვარდად დატოვონ. ვფიქრობ, უფრო მეტი კითხვა დაცვასა და ნახევარდაცვასთან დაკავშირებით არსებობს, ვიდრე შეტევის ხაზთან."

"მანჩესტერ იუნაიტედმა" ზაფხულის სატრანსფერო ფანჯარაზე 6 ფეხბურთელი დაიმატა, რაც საას ხიბლავს.

"მოხიბლული ვარ სატრანსფერო ფანაჯარაზე კლუბის მუშაობით. კარგია, რომ "იუნაიტედმა" ფალკაო დაიმატა, რომელიც თავის ამპლუაში მსოფლიოს ერთ-ერთ საუკეთესოთა რიცხვს მიეკუთვნება. ვფიქრობ, რადამელს შეუძლია კლუბი რუდ ვან ნისტელროის დროინდელ შედეგიანობას დაუბრუნოს."

ფრანგს უყურადღებოდ არ დარჩენია ლუი ვან გაალის გადაწყივეტილება, რომლის მიხედვითაც "იუნაიტედის" ახალი კაპიტანი უეინ რუნი გახდა.

"გუნდის კაპიტნად უეინ რუნის დანიშვნას სწორ გადაწყვეტილებად მივიჩნევ. მოედანზე ყოველთვის თავდადებულია, თითოეული ბურთისთვის იბრძვის, რითაც მაგალითს უჩვენებს თავის პარტნიორებს, რომლებიც მასში ლიდერს ხედავენ. ის ამ როლისთვის იზრდებოდა და ახლა სერიოზული გამოწვევა სჭირდება."

წყარო: redevils.ru