"მანჩესტერ იუნაიტედის" ცენტრალურმა მცველმა, მაიკლ კინმა განაცხადა, რომ "ბარნლიში" განათხოვრებას იგი "იუნაიტედში" დასაბრუნებლად და მწვრთნელზე შთაბეჭდილების მოსახდენად გამოიყენებს.

"ვფიქრობ, ეს ჩემი კარიერის უმნიშვნელოვანესი პერიოდია. ნათელია, რომ აქამდე იჯარით გადავსულვარ, მაგრამ ეს ჩემპიონშიპში ხდებოდა, ახლა კი უდიდესი ნაბიჯი გადავდგი პრემიერ-ლიგისკენ."

"მინდა საკუთარ თავს დავუმტკიცო, რომ ამ დონეზე თამაში შემიძლია და ვფიქრობ არ არსებობს უკეთესი ადგილი, ვიდრე "ბარნლი". უკანასკნელი სატრანსფერო დღე ნერვიული გამოდგა და არ ვიცოდი რა მოხდებოდა, მაგრამ საღამოს 5 საათზე ჩემმა ძმამ დამირეკა და მითხრა, რომ მას "იუნაიტედიდან" დაურეკეს, ჩემით "ბარნლი" ინტერესდებოდა. როცა გავიგე, რომ პრემიერ-ლიგაში თამაშის შანსი მეძლეოდა და ის უფრო დიდი შანსი იყო, ვიდრე "იუნაიტედში" მომეცემოდა, შევეცადო ამ შანსს ჩავჭირდებოდი."

"შონ დიში "სტ. ჯორჯ პარკზე" მოვიდა იმ ღამით, რათა დავერწმუნებინე, რომ ეს სწორი ადგილი იყო ჩემი წასვლისთვის. როგორც კი გავესაუბრე, მაშინვე დავთანხმდი და გამოწვევას მოუთმენლად დაველოდე."

"უდიდესი გამოცდილება იყო "სანდერლენდთან" "იუნაიტედის" რიგებში თამაში და ეს არის ის, რისი კეთებაც ჩემი კარიერის ამ ეტაპზე მსურს. გაუმჯობესებისთვის კარი ყოველთვის ღიაა და "ბარნლის" სწორედ ამ კუთხით განვიხილავ."

"საბედნიეროდ ბურთით კარგად თამაში შემიძლია, მაგრამ უპირველესყოვლისა თავდაცვა უნდა გავაუმჯობესო და ნაკლოვანებები ჩამოვიშორო. ხანდახან გჭირდება აზრიანი ფეხბურთი ითამაშო, კარიერის ასეთ დონეზეც კი. იმედი მაქვს რამდენიმე გოლით გუნდს დავეხმარები და იმდენად კარგად ვითამაშებ, რამდენადაც შემიძლია."

"ყოველთვის მიყვარდა საჯარიმოში შესვლა და გოლის გატანის მცდელობა. ვარჯიშების შემდეგ დამატებით ვვარჯიშობ თავით დარტყმაში და თავით გოლის გატანაშიც. რადგანაც ამაზე ხშირად ვმუშაოვ, თამაშის დროს დარწმუნებული ვარ, რომ თუ შანსი მექნება აუცილებლად გავიტან."

კინს იმედი აქვს, რომ "ოლდ ტრაფორდზე" უკეთეს ფეხბურთელად დაბრუნდება და ლუი ვან გაალის გეგმებში ადგილს დაიმკვიდრებს.

"პირველ რიგში მინდა რაც შეიძლება მეტი შეხვედრა ჩავატარო, რათა ყველას დავუმტკიცო, რომ პრემიერ-ლიგის დონეზე თამაში შემიძლია. მინდა ამ დონეზე ცნობადი სახე გავხდე და "ბარნლის" პრემიერ-ლიგაში ადგილის შენარჩუნებაში დავეხმარო."

"რა თქმა უნდა, რადგანაც ერთ ლიგაში ვართ, მე "იუნაიტედის" წინააღმდეგ მომიწევს თამაში და იმედი მაქვს ამ დროისათვის უკვე მეცოდინება რას ნიშნავს პრემიერ-ლიგა, რაც დამეხმარება."

წყარო: manutd.com