"ლესტერის" ნახევარმცველი, დენი დრინქუოტერი "მანჩესტერ იუნაიტედთან" შეხვედრას მოუთმენლად ელოდება. შეგახსენებთ, რომ დენი "იუნაიტედის" აკადემიის აღზრდილია.
"მანჩესტერ იუნაიტედი" პრემიერ-ლიგის მეოთხე ტურში ახალწვეულს, "ლესტერ სიტის" დაუპისპირდება და ლუი ვან გაალის შეგირდები გასვლით შეხვედრაში მეორე მოგების აღებას შეეცდებიან.
"ასეთ მოწინააღმდეგესთან შეხვედრას მღელვარებით თუ შეხვდები ეს ნეგატიურ ეფექტს მოახდენს. მოხარული ვიქნები საკუთარი თავის "მანჩესტერ იუნაიტედის" წინააღმდეგ გამოცდით და არ ვიფიქრებ იმ მყვირალა სახელებზე, რომელიც მათ შემადგენლობაში გახლავთ. ლუი ვან გაალმა ყველაფერი რადიკალურად შეცვალა და ეს უფრო უკეთ წინა უქმეებზე გამოჩნდა. ეს გასაოცარია ჩემთვის, როგორც ქომაგისთვის.
ვფიქრობ, კვირა ცოტათი გიჟური გამოვა, რადგან მე "იუნაიტედის" ქომაგი ვარ, მაგრამ მას მოუთმენლად ველოდები. საბედნიეროდ, ჩემი ოჯახი "ლესტერს" დაუჭერს მხარს ჩემ გამო, მაგრამ ისინიც "იუნაიტედის" ქომაგები არიან. გამიხარდება წითლების გამარჯვება სხვა შეხვედრებში, მაგრამ არა ამჯერად."
"მელიებს" საკუთარ შემადგენლობაში რამდენიმე ყოფილი "მანკუნიანელი" ჰყავთ - დენი სიმპსონი და ტომ ლოურენსი უკანასკნელი გადასულები არიან და ისინი შეუერთდნენ დრინქუოტერს, რიჩი დე ლაეტსა და მეტი ჯეიმსს. ნიკ პაუელი იჯარის წესით არის გადასული და თითოეული მათგანი რა თქმა უნდა "ლესტერის" სასარგებლოდ გაირჯება.
"ეს დიდებულია და სწორედ ამან გახადა მათთვის თავის დამკვდრება ადვილი. ჩვენ გუნდში კარგი ბალანსია და ამ სეზონის გამოწვევებს დიდი მოლოდინით ვხვდებით. რამდენიმე რთული შეხვედრა გვქონდა, მაგრამ უფრო მეტი წინ გველოდება. ამიტომაც წინსვლა უნდა გავაგრძელოთ."