"იუვენტუსის" მცველი, პატრის ევრა გამოტყდა, რომ "მანჩესტერ იუნაიტედი" პირადი ხასიათის პრობლემების გამო დატოვა.
დევიდ მოიესის გაშვების შემდეგ "იუნაიტედთან" ევრამ ერთ წლიან კონტრაქტს მოაწერა ხელი. თუმცა "ოლდ ტრაფორდზე" ლუკ შოუს გამოჩენის შემდეგ 33 წლის ფრანგმა კლუბის დატოვება ამჯობინა.
ითვლებოდა, რომ წასვლის მიზეზი სათადარიგოში მოხვედრის სურვილის არ ქონა იყო, თუმცა მიზეზი პირადი პრობლემები ყოფილა, რომელსაც პატრისი არ ამხელს.
"მანჩესტერი" პირადი ხასიათის პრობლემების გამო დავტოვე და "იუვენტუსი" იყო ერთადერთი გუნდი, სადაც მინდოდა გადასვლა. ეს არის დიდი ისტორიისა და მიზნების მქონე კლუბი. კონტემ ბევრჯერ დამირეკა და "იუვენტუსში" გადასვლაზე მითანხმებდა, ახლა კი უკვე აქ ვარ.
შემეძლო კარიერის დიდ კლუბში გაგრძელება და ამ საკითხში "იუვენტუსსა" და "იუნაიტედს" შორის განსხვავებას ვერ ვხედავ. აქ ძალიან რთული ფიზიკური მომზადებაა, შესაძლოა სხვა კლუბებში არსბულთა შორის ყველაზე რთული."