ლონდონის "ჩელსის" ყოფილი თავდამსხმელი კასკარინო, რომელიც ამჟამად საფეხბურთო ექსპერტად მუშაობს, აცხადებს, რომ "ქპრ"-ზე გამარჯვებით "იუნაიტედმა" პრემიერ-ლიგის სხვა კლუბებს საგანგაშო გზავნილი გაუკეთა.
"ლუი ვან გაალმა განაცხადა, რომ გუნდთან ერთად ახალი სტარტის აღება სურდა და მათ ეს "ქპრ"-სთან მართლაც გააკეთეს. ამასთან ერთად, უნდა აღინიშნოს, რომ კვირას ოპტიმალურ შემადგენლობასთან მიახლოებული განაცხადი იყო. ძალიან ბევრი გააკეთა ამ მატჩში დი მარიამ, რომელმაც გუნდს სისწრაფე და ტემპი შემატა. ასევე უნდა აღინიშნოს დეილი ბლინდი, რომელიც თითქმის არ აგებდა ორთაბრძოლებს. შესაძლოა "ქპრ" "იუნაიტედისთვის" იდეალური მოწინააღმდეგე იყო, რადგან მათ განსაკუთრებული წინააღმდეგობა არ გაუწევიათ."
"ვფიქრობ, "იუნაიტედი" "სიტისთან" და "ჩელსისთან" ერთად ყველაზე ნათელი ფავორიტი იქნება და მათთვის იდეალურად მესამე ან მეორე ადგილი მიიჩნევა. ლუი ვან გაალმა ფანტასტიური გუნდი შეკრიბა. ანხელ დი მარიამ ფანტასტიური მატჩი ჩაატარა, დეილი ბლინდი მოედნის ცენტრს განაგებდა, ანდერ ერერა გასაოცარი იყო. ფეხბურთელთა ასეთი შეკრებით "იუნაიტედს" ბევრი რამ შეუძლია"