"მანჩესტერ იუნაიტედის" "ფეიენოორდის" ახალგაზრდა ნიჭიერი ფეხბურთელით, ტაჰიტ ჩონგით ინტერესდება.
ინგლისის 20 გზის ჩემპიონები 15 წლის ტაჰიტის თამაშით Premier Cup-ის გათამაშებაზე მოიხიბლნენ, რომელიც კარინგტონზე ტარდებოდა. "წითელმა ეშმაკებმა" უკვე მოიწვიეს ახალგაზრდა ფეხბურთელი სამედიცინო შემოწმების გასავლელად და საერთო ვარჯიშის ჩასატარებლად.
"ფეიენოორდის" აკადემია დამთავრებული ფეხბურთელი ტექნიკას კარგად ფლობს და ცენტრალური თავდამსხმელის პოზიციაზე შეუძლია თამაში. ჩონგი ჰოლანდიის 16 წლამდელთა ნაკრებში თამაშობს და მას ახასიათებენ, როგორც სწრაფ, ტექნიკურ ფეხბურთელს, რომელსაც კარგი საგოლე ალღო აქვს.
თუ კი ეს ტრანსფერი შედგება, ჩონგი მეორე ახალგაზრდა ფეხბურთელი იქნება, რომელიც ჰოლანდიას "ოლდ ტრაფორდის" გამო დატოვებს. პირველი ასეთი "აიაქსის" აღზრდილი, ტიმოთი ფოსუ-მენსა გახლავთ.