"მანჩესტერ იუნაიტედის" მეკარე, სემ ჯონსტონი შესაძლოა კლუბიდან წავიდეს. 21 წლის კიპერმა წინასასეზონო შეხვედრებში მონაწილეობა მიიღო, მაგრამ მას გუშინ გამოქვეყნებულ გუნდურ ფოტოზე ადგილი ვერ მოუძებნეს.
როგორც ხედავთ, ფოტოზე მეკარეთა რიცხვს მხოლოდ დავიდ დე ხეა, ანდერს ლინდეგაარდი და ბენ ამოსი შეადგენენ. გუნდური ფოტოს გამოქვეყნებიდან რამდენიმე წუთში ჯონსტონმა ტვიტერზე არაერთგვაროვანი პოსტი გამოაქვეყნა: ხანდახან იმაზე უნდა იფიქრო, რაც შენთვისვეა უკეთესი!
ამჟამად სატრანსფერო ფანჯარა დახურულია, მაგრამ ჯერ კიდევ მოქმედებს ე.წ. "საიჯარო ფანჯარა", რომლის მიხედვითაც პრემიერ-ლიგის ფეხბურთელს ჩემპიონშიპში გადასვლის უფლება აქვს.