"მანჩესტერ იუნაიტედის" შეტევის ხაზის ფეხბურთელები გუნდს ძალიან სჭირდებოდა, მაგრამ ჯონი ევანსის თქმით მარკოს როხოსა და ლუკ შოუს მოყვანაც ძალზედ მნიშვნელოვანია.

როხოს საკმაოდ კარგმა დებიუტმა და ლუკ შოუსთან წინასასეზონო მატჩებში ერთად თამაშმა ჯონი ევანსს იმედი მისცა, რომ ახალწვეულები მნიშვნელოვან ფიგურად იქცევიან გუნდის ფორმირებაში.

"ჩვენი ახალი მცველების, ლუკ შოუსა და მარკოს როხოს ხილვით ძალიან მოვიხიბლე."

"როხოს მსოფლიო ჩემპიონატზე ვადევნებდი თვალს, სადაც არგენტინის ნაკრების შემადგენლობაში მარცხენა მცველად ან მარცხენა ნახევარმცველად გამოდიოდა, თუმცა მას ცენტრალურ მცველადაც შეუძლია თამაში. ლუკთან ერთად წინასასეზონო შეხვედრებში ვითამაშე და საკამათო თემაა ნამდვილად არ გახლავთ, ის მსოფლიოს ერთი-ერთი საუკეთესო მცველი იქნება."

როხოსა და შოუს გარდა ევანსი დეილი ბლინდსა და ანდერ ერერასაც შეეხო.

"დეილი მსოფლიო ჩემპიონატზე ვიხილე და ის შთამბეჭდავი იყო. მწვრთნელი მას კარგად იცნობს და ის "აიაქსის" სათამაშო სისტემაზეა აღზრდილი, რაც მწვრთნელმა კარგად იცის, ასე რომ, დეილი კარგად გაიგებს ვან გაალის სათამაშო სტილს."

"ანდერი შესანიშნავად მოერგო გუნდს. ის ძალიან კარგია და თამაში, რომელიც მან წინასასეზონო შეხვედრებში აჩვენა ნათლად ასახავს მის შესაძლებლობებს."

წყარო: manutd.com