"მანჩესტერ იუნაიტედის" ვინგერმა, ანხელ დი მარიამ იმედი გამოთქვა, რომ ლუი ვან გაალის კლუბში მინიჭებულ სათამაშო ნომერს გაამრთლებს.
60 მლნ. ფუნტის სანაცვლოდ "წითელ ეშმაკად" გარდასახულმა არგენტინელმა ახალ კლუბში გოლების ანგარიში უკვე გახსნა. თავისითვის სადებიუტო საშინაო შეხვედრაში დი მარია "ქპრ"-სთან გოლითა და საგოლე გადაცემით გამოირჩა.
"იუნაიტედის" რიგებში დი მარია 7 ნომრიან მაისურს ირგებს, რომლითაც ადრე ჯორჯ ბესტი, ერიკ კანტონა, დევიდ ბექჰემი და კრიშტიანუ რონალდუ თამაშობდნენ. დი მარიას მათთან გატოლების იმედი აქვს.
"სასიამოვნოა ამ ნომრის ტარება. ბევრი მნიშვნელოვანი ფეხბურთელი ატარებდა ამ ნომერს და ვაპირებ ყველაფერი გავაკეთო, რათა ამ ნომრის მოლოდინი გავამართლო.
"ოლდ ტრაფორდზე" დებიუტს მოუთმენლად ველოდი და ეს საუკეთესო მხრივ, გოლის გატანით აღვნიშნე. სიხარულით სავსე ვარ. ჩვენ გვყავს მწვრთნელი, რომელსაც სურს, რომ თითოეული მისი ფეხბურთელი საუკეთესოდ თამაშობდეს."