ფეხბურთის ესპანელი ექსპერტი, გილიემ ბალაგიე დარწმუნებულია, რომ კრიშტიანუ რონალდუ "ოლდ ტრაფორდზე" დაბრუნებაზე ოცნებობს.
"ვფიქრობ, კრიშტიანუ ბედნიერი არ არის მადრიდში ან როგორც მინიმუმ მას მოსწყინდა ეს კლუბი. ნებისმიერ შემთხვევაში შესაძლებელია სრულიად ღიად განვაცხადოთ ის, რომ რონალდუ არ მალავდა თავის უკმაყოფილებას "რეალის" სატრანსფერო პოლიტიკის გამო, რაც ალონსოს, ოზილისა და დი მარიას გაყიდვასთან ასოცირდება. რონალდუ თავისი საქმის კეთებად პატიოსნად აგრძელებს, მაგრამ ის ისეთი ბედნიერი ვერ არის "ბერნაბეუზე", როგორიც "ოლდ ტრაფორდზე" იქნებოდა."
"ის "მანჩესტერ იუნაიტედში" დაბრუნებაზე ოცნებობს და "წითელ ეშმაკებს" ამ ტრანსფერისთვის საჭირო რესურსები აქვთ. მაგრამ რამდენად სწრაფად შედგება გადასვლა? ეს უამრავ ფაქტორზეა დამოკიდებული. პირველ რიგში "რეალისა" და თავად რონალდუს სურვილზე. საკმაოდ ნათელი წარმოდგენა მაქვს იმის თაობაზე, თუ როგორ ხდება ეს ყველაფერი. ტრანსფერი არ შედგება არც ამ თვეში და არც მომდევნო თვეში. მაგრამ რონალდუს "ოლდ ტრაფორდზე" დაბრუნება სურს და ეს ინგლისშიც სურთ."