"მანჩესტერ იუნაიტედის" ოფიციალური საიტი იტყობინება, რომ კლუბმა აზერბაიჯანის ფედერაციის საფეხბურთო ასოციაციასთან დაამყარა თანამშრომლური ურთიერთობა, რაც ქვეყანაში ფეხბურთის პოპულარიზაციას ისახავს მიზნად.
კლუბის ისტორიაში პირველად გახდა პარტნიორი საფეხბურთო ფედერაცია, რომელსაც კავშირგაბმულობის კომპანია, Backcell გაუწევს დახმარებას. მხარეების თანამშრომლობა ქვეყანაში საბავშვო სპორტის განვითარებას ისახავს მიზნად. საფეხბურთო სკოლებში იმუშაბენ საგანგებოდ მომზადებული სპეციალისტები, რომლებიც ბავშვებს "იუნაიტედის" სათამაშო სტილსა და ფილოსოფიას შეასწავლიან.
"იუნაიტედის" კომერციულმა დირექტორმა რიჩარდ არნოლდმა განაცხადა: "ეს არის შესანიშნავი ინიციატივა, რომელიც ჩვენ კლუბს აზერბაიჯანის საფეხბურთო ფედერაციასთან დააკავშირებს. ამ ქვეყანაში, რომელიც სწრაფად ვითარდება "იუნაიტედის" მილიონობით ქომაგი ცხოვრობს. იმედი მაქვს ჩვენი პარტნიორობა ამ ქვეყანაში ნიჭიერი ფეხბურთელების მთელ რიგ თაობას წარმოშობს."
AFFA-ს პრეზიდენტი როვნაგ აბდულაევი: "მოცემული თანამშრომლობა ჩვენი ქვეყნისთვის უმნიშვნელოვანესი მოვლენაა. იმედი მაქვს, სამუშაო, რომელიც ჩვენ მიერ მცირე ხნის განმავლობაში იქნება გაწეული აზერბაიჯანის ფეხბურთს დიდ სარგებელს მოუტანს."
Backcell-ის დირექტორი, რიჩარდ შირერი: "იუნაიტედისა" და AFFA-ს თანამშრომლობა ნათელი მაგალითია იმისა, რომ აზერბაიჯანში ფეხბურთის განვითარებას დიდ ყურადღებას უთმობენ. ჩვენი კომპანია ამაყად გრძნობს თავს, რადგან საბავშვო საფეხბურთო სკოლის განვითარებას უწყობს ხელს. ასეთ საქმიანობას მომავალშიც გავაგრძელებთ"