"მანჩესტერ იუნაიტედის" ახალწვეულმა, დეილი ბლინდმა განაცხადა, რომ იგი "წითლების" გასაოცარი ქომაგების მხარდაჭერის ქვეშ თამაშით ნასიამოვნები დარჩა.

ჰოლანდიელი ნახევარმცველი ერთ-ერთი სამთაგანი იყო, რომელთაც "ქპრ"-სთან დებიუტი ჰქონდათ - მარკოს როხო და რადამელ ფალკაოც პირველად გამოვიდნენ "იუნაიტედის" მაისურით მოედანზე.

ოფიციალური ტელევიზიისთვის მიცემულ ინტერვიუში ბლინდმა მოედანზე შებიჯების ამაღელვებელ მომენტზე და "წითლების" პირველ გამარჯვებაზე ისაუბრა.

"თამაშამდე ძალიან აღელვებული ვიყავი. მართლაც კარგი დებიუტი გამოდგა, რითიც ვისიამოვნე და ფანებიც გასაოცარნი იყვნენ. ყველაფერი კარგად განვითარდა. ვარჯიშების კარგი კვირა მქონდა და ყველანი მშვენივრად და ღიად დამხვდნენ, რითიც დიდებული შეხვედრა მომიწყვეს. თითქოს სახლში ვიყავი, ისე ვგრძნობდი თავს."

ბლინდს კარგად ესმის თუ რა მოეთხოვება ლუი ვან გაალისგან, რადგან მათ ერთად მსოფლიო ჩემპიონატზე აქვთ ნამუშევარი. 14 მლნ. ფუნტად შეძენილ ნახევარმცველს სჯერა, რომ თავდაჯერებულობა თანდათან მოვა გუნდში და ისინი უკეთ გაიგებენ ლუი ვან გაალის ფილოსოფიის არსს.

"ეს ახალი გუნდია და თავდაპირველად რთული იქნება, მაგრამ ვფიქრობ თავს კარგად ვართმევთ. ყველა კარგად გრძნობს თავს და ყველა ერთმანეთს ეხმარება, როცა ბურთს ვკარგავთ. მნიშვნელოვანია, რომ ბურთის დაკარგვისას ეს იმდენად სწრაფად გავაკეთოთ, რამდენადაც შესაძლებელია. ეს არის მწვრთნელის ფილოსოფია. ჩვენ კარგად ვმუშაობთ, როგორც ერთი მთლიანი გუნდი. ეს ახალი დასაწყისია და ჩვენ მოუთმენლად ველოდებით მომდევნო შეხვედრას."

წყარო: manutd.com