ერერა - თავადვე ახლადშეძენილი ფეხბურთელი, რომელმაც გუშინ დიდი წვლილი (1 გოლი, 1 ასისტი) შეიტანა "ქპრს" დამარცხებაში (4-0), აცხადებს, რომ "იუნაიტედს" ახალი ფეხბურთელები მწვერვალზე დააბრუნებენ.
კლუბის მენეჯერი, ლუი ვან გაალი აღიარებს რომ მას სურს გადაფაროს შარშანდელი კრახი. ამას ისიც ემატება, რომ ჰოლანდიელს სურს პირველივე სეზონში ტიტულის მოსაპოვებლად იბრძოლოს. ანდერ ერერა კი აცხადებს, რომ თავადაც იმავე ამბიები ამოძრავებს.
"მე ბედნიერი ვარ გატანილი გოლის გამო, მაგრამ უფრო ბედნიერი ვარ იმით რომ მოვიგეთ" - აცხადებს ესპანელი ნახევარმცველი კლუბის ოფიციალურ საიტთან ინტერვიუში. "იმედი მაქვს ეს ჩვენი პირველი ნაბიჯია და მინდა დავრწმუნდე ამაში. შემდეგი მატჩები ძალიან მნიშვნელოვანია, რადგან გვსურს რომ ცხრილის სათავეში რაც შეიძლება სწრაფად მოვექცეთ."
"ჩვენ ახალი გუნდი გვყავს, მაგრამ გაძლიერებას განვაგრძობთ. ვმუშაობთ თავდაუზოგავად და მოუთმენლად ველით სეზონის თითოეულ მატჩს." ერერამ არც დებიუტანტები დატოვა შეფასების გარეშე, რომელთაც პირველად გაიბრწყინეს ოლდ ტრაფორდზე. "ანხელი ერთ-ერთი საუკეთესო მოთამაშეა მსოფლიოში. "იუნაიტედს" ყოველთვის ჰყავდა ტოპ მოთამაშეები და ის ერთ-ერთი საუკეთესოა."
"როხომ და ბლინდმა ძალიან კარგად ითამაშეს. მათ რამდენიმე ძალიან კარგი პასი გააკეთეს და ყოველთვის ინარჩუნებდნენ ბურთს. მარკო ძალიან, ძალიან აგრესიულია და ეს მნიშვნელოვანია გუნდისთვის. ბლინდი კი არასოდეს კარგავს ბურთს. ჩვენ ძალიან ბედნიერები ვართ, მაგრამ ყველაზე მთავარია პროგრესი განვაგრძოთ." დაასრულა ერერამ.