ლუი ვან გაალი ნასიამოვნები დარჩა ცუდი სტარტის შემდეგ კარგი გაგრძელებით. "იუნაიტედმა" კვირას გამართულ შეხვედრაში "ქპრ"-ს 4 გოლი გაუტანა და კარიც მშრალად შეინახა.

ჰოლანდიელის ხელმძღვანელობის ქვეშ "წითლებმა" პირველი სამი ქულა მოიპოვეს და ეს კლუბმა ახალი სახეების დახმარებით გააკეთა.

"თამაშამდე ბიჭებს ვუთხარი: "ახალი სტარტი ავიღოთ." ეს მნიშვნელოვანია, რადგან 1 სექტემბრისა და სატრანსფერო პერიოდის შემდეგ ახლა შეგვიძლია გუნდის შენების პროცესს მივხედოთ და ყოველ კვირას უკეთესები გავხდეთ - ეს გავაკეთეთ კიდეც, დამიჯერეთ."

"ყველაზე მნიშვნელოვანი დღეს ის იყო, რომ გოლები გავიტანეთ. სხვა თამაშებში მეტოქეს ვჯობდით, მაგრამ გოლების გატანას ვერ ვახერხებდით. ახლა 4 გოლი გავიტანეთ და ეს თითოეულ ფეხბურთელს აქეზებს."

ანხელ დი მარიამ, რომელმაც "ოლდ ტრაფორდზე" პირველი შეხვედრა გამართა გოლის გატანა საჯარიმო დარტყმიდან მოახერხა, მაგრამ გოლის გარდა მისი თამაშის სხვა ასპექტებიც გამოსარჩევი იყო ბოსისთვის.

"პირველი გოლი ძალიან მნიშვნელოვანია. ამაზე ვვარჯიშობდით, მაგრამ მან ეს შესაფერის დროს გააკეთა. ძალიან რთულია გადახვიდე და პრემიერ-ლიგის რიტმს აჰყვე, მაგრამ მათ ეს შესანიშნავად გააკეთეს - არა მარტო დი მარიამ."

გულშემატკივართა სახლში გაშვება გაღიმებული სახეებით ძალზედ მნიშვნელოვანია და ვან გაალს არც ეს დაუტოვებია უყურადღებოდ: "ესეც უზარმაზარ მნიშვნელობას ატარებს, რადგან ისინი კარგ შედეგს დიდი ხნის განმავლობაში უნდა ელოდნენ."

წყარო: manutd.com