"მანჩესტერ იუნაიტედის" ნახევარმცველი, ხუან მატა გამოტყდა, რომ იგი სასიამოვნობდ გაოცებული დარჩა "ქპრ"-სთან შეტევის ხაზის თამაშით.
საკვირაო შეხვედრაში "წითელმა ეშმაკებმა" 4 გოლი გაუტანეს "ქუინზ პარკ რეინჯერსს", თუმცა კიდევ შეეძლოთ რამდენიმე გოლის გატანა. მატა, რომელმაც შეხვედრის საბოლოო ანგარიში დააფიქსირა იმედოვნებს, რომ "იუნაიტედი" შეტევის სიმწვავეს არ მოუკლებს.
"ვფიქრობ, ჩვენ გაცილებით, გაცილებით უკეთ ვითამაშეთ, ვიდრე საწყის მატჩებში. პირველი წუთიდან უკანასკნელ წუთებამდე ჩვენ რაც შეიძლება მეტი გოლის გატანას ვცდილობდით და ვფიქრობ არსებული ფეხბურთელებით სწორედ ამას უნდა ვცდილობდეთ. კარგად უნდა ვითამაშოთ, გოლები გავიტანოთ და დაცვაშიც საიმედოდ ვითამაშოთ."
"გამარჯვება უმნიშვნელოვანესი იყო ჩვენთვის. იმედი მაქვს ეს შედეგიანობის სერიათა საწყისი იქნება. ეს მნიშვნელოვანი სამი ქულაა და ახლა მონდომებით უნდა ვივარჯიშოთ, რათა კვირის ბოლოს სამი ქულა მოვიპოვოთ."