უეინ რუნი დღევანდელი გოლით პრემიერ ლიგის საუკეთესო ბომბარდირების სიაში ტიერი ანრის გაუთანაბრდა. ინგლისელმა კაპიტანმა "ქპრს" შესვენებამდე ცოტა ხნით ადრე, ანდერ ერერას ასისტით გაუტანა. ამ გოლით მას უკვე პრემიერ ლიგაში 175 ბურთი აქვს გატანილი - იმდენივე, რამდენიც ლონდონის "არსენალის" ლეგენდას. უეინმა ამ შედეგს 377 მატჩში მიაღწია, ტიერიმ კი - 258-ში. რუნი სიაში უკვე მესამე ადგილზეა და 13 გოლის გატანა ჭირდება მეორე ადგილოსანის, ენდი კოულის შედეგის გასაუმჯობესებლად. კაპიტანს ბევრი აშორებს პირველ ადგილამდე - ალან შირერმა პრემიერ ლიგის 441 მატჩში 260 ბურთის გატანა მოახერხა.