ლეგენდარულმა ჰოლანდიელმა ფეხბურთელმა იოჰან კრუიფმა the Guardian-თან ინტერვიუში ლუი ვან გაალის და "იუნაიტედის" პერსპექტივებზე ისაუბრა.
"ისინი ახალ გუნდს აშენებენ და უკვე შეძლეს ბევრი მაღალი დონის ფეხბურთელის მოყვანა. ახლა დროა კლუბში მათ შეთამაშებაზეც იზრუნონ.
ამას რა თქმა უნდა დრო სჭირდება. დაახლოებით იგივე ხდება "ბარსელონაში". მათ ჰყავთ ნეიმარი და მესი და მათი შეთამაშება სჭირდებათ.
ვან გაალი ყველა ფეხბურთელისგან მაქსიმუმს ითხოვს და დარწმუნებული იყავით, რომ უახლოეს მომავალში "იუნაიტედი" თავის ადგილს დაუბრუნდება და მწვერვალზე მოექცევა.
ვან გაალს მხოლოდ დრო სჭირდება, დრო და მეტი არაფერი." - განაცხადა კრუიფმა.