ვან გაალი თავის შეგირდებს დიდ გამოცდას უმზადებს.
ლუი ვან გაალი საკუთარ 1 მილიონიან (კვირაში) შეტევის ხაზს უცხადებს:
"მანახეთ რომ თქვენ იმსახურებთ ამხელა ხელფასს." ვან გაალის Fab 4 (Fabulous - ცნობილი, არაჩვეულებრივი) - უეინ რუნი, ანხელ დი მარია, რადამელ ფალკაო და რობინ ვან პერსი ჯამში 1 მილიონს იღებენ ყოველკვირეულად. ამასთან დაკავშირებით, ჰოლანდიელმა სპეციალისტმა მათ განუცხადა, რომ შეწყვიტონ რეპუტაციაზე ზრუნვა და დაამტკიცონ, რომ ასტრონომიული ხელფასის ღირსნი არიან.
სავარაუდოა ისიც, რომ ვან გაალმა დღეს ოთხივე მათგანი სასტარტო შემადგნელობაში დააყენოს და ამით ერთგვარი რეკორდი, პრემიერ ლიგის ყველაზე ძვირადღირებული შეტევის ხაზი, დამყარდება.
"რაც მე შემიძლია ვთქვა რუნიზე, რაც შემიძლია ვთქვა ფალკაოზე და რაც შემიძლია ვთქვა ვან პერსიზე ის არის, რომ ისინი დიდებული ფეხბურთელები არიან. მათ შესანიშნავი რეკორდები გააჩნიათ." აცხადებს ვან გაალი.
კლუბის ყველაზე მდიდარი ფეხბურთელი. უეინ რუნი - 300 000 ფუნტი კვირაში.
"მაგრამ ეს ყველაფერი შენ დღეს კვირას გასამართ შეხვედრაში უნდა გააკეთო. უნდა აჩვენო ის. ეს მხოლოდ რუნის, ფალკაოს და ვან პერსის არ ეხება, არამედ ყველა მოთამაშეს."
რუნი კვირაში 300 000 ფუნტს შოულობს. ფალკაო და დი მარია კი 25 000 ფუნტით ნაკლებს. რობინ ვან პერსი ამ ოთხეულში "უღარიბესია." მისი შემოსავალი 250 000 ფუნტს წარმოადგენს. ერთად აღებული, ეს მილიონზე მეტია ყოველკვირეულად. მაგრამ მიუხედავად ამისა, მეოთხე ტურამდე "იუნაიტედს" მხოლოდ 2 ქულა აქვს.
ასე რომ, ლუი ვან გაალი აცხადებს რომ ახლა გადახდის კი არა, თამაშის დროა.
"იუნაიტედმა" სარეკორდო 151 მილიონი დახარჯა სატრანსფერო ფანჯარაზე. გადმოიბირა რა პრემიერ ლიგის ყველაზე ძვირადღირებული ფეხბურთელი - ანხელ დი მარია, განაგრძო გუნდის გაძლიერება მარკოს როხოს, ანდერ ერერას, ლუკ შოუს, დეილი ბლინდის და რადამელ ფალკაოს სახით. ეს უკანასკნელი გუნდს არენდის სახით შუერთდა.
ახალწვეულები: ბლინდი და ფალკაო წარმოადგენენ "იუნაიტედის" მეხუთე და მეექვსე ტრანსფერს.
რუნის და მატას როლებით ვან გაალს დიდი ძალისხმევა დასჭირდება, რომ ყველა წამყვანი ფეხბურთელი ათამაშოს "ქპრს" წინააღმდეგ, მაგრამ მისივე განცხადებით მას ამის გაკეთება ძალუძს.
"როტაცია ? არამგონია ეს საჭირო იყოს." განაგრძობს ვან გაალი.
"შესაძლებელია ყველამ ერთდროულად ითამაშოს. ზუსტად ამიტომ ვირჩევ ამ სისტემით თამაშს. საქმე ისე არ არის, რომ ყველა ყოველთვის საუკეთესო ფორმაში იყოს.""ჩვენ ახლა ბევრი მატჩის ჩატარება გვიწევს. შარშანდელთან შედარებით ცოტა, მაგრამ მაინც ვნახავთ რა შედეგს მივირებთ."
ვისთვის გასაკვირად და ვისთვის მისაღებად, ვან გაალი ჯერაც არ არის ბედნიერი იმით, ვინაიდან მისი გუნდი კვლავ დაუბალანსებელია. შესაძლოა მან ზამთარში ტოპ მცველები დაიმატოს.
"ახლა შედარებით უფრო დაბალანსებული გუნდი გვყავს, ვიდრე დასაწყისში, მაგრამ არ ვფიქრობ იმას, რომ დაცვას გაძლიერება არ ესაჭიროება. ჩვენ ასევე უფრო სწრაფად უნდა გადავაწოდოთ პასები. მე უფრო სწრაფ თამაშს ვითხოვ." აგრძელებს ჰოლადნიელი.
"ჩვენ ბურთს ძალიან ხშირად და ძალიან ადრე ვკარგავთ. შემდეგ ზეწოლა უფრო და უფრო იზრდება ფეხბურთელებზე და შეცდომებს უმატებენ. ეს უმართებლო ციკლია. საქმე მარტო დი მარიას გაუმჯობესებას არ ეხება. როდესაც ასეთი ფეხბურთელები დავიმატეთ მათაც იგივე უნდა გააკეთონ. მათ უნდა ანახონ რაც შეუძლიათ და იმედი მაქვს ამას გააკეთებენ." დაასრულა ვან გაალმა.
წყარო:
Mirror