"ქუინზ პარკ-რეიჯერსის" მცველი, რიო ფერდინანდი მიიჩნევს, რომ მისი გუნდი ყველაზე ცუდ დროს მიდის "მანჩესტერ იუნაიტედთან" სათამაშოდ.
საკვირაო შეხვედრა პირველი იქნება, რომელშიც რიოს ყოფილ გუნდს თავისი ვარსკვლავების თამაშში ერთად ჩართვა შეეძლება. რიოს აზრით ფალკაოსა და დი მარიას ფონზე "იუნაიტედთან" თამაში ყველაზე ცუდი მომენტია.
"უფრო ცუდი დროს შერჩევა შეუძლებელი იყო. ფალკაო და დი მარია - მსოფლიო დონის ორი ფეხბურთელია. ისინი ბრძოლაში შევლენ, რათა "იუნაიტედის" ქომაგს თავისი კლასი დაუმტკიცონ."
"დი მარიას წინააღმდეგ ადრეც მითამაშია და ის მართლაც მომეწონა. ბურთთან ერთად შესანიშნავად დარბის - სწრაფად და სწორხაზოვნად - და ის ერთ-ერთი მათგანია, ვის წინააღმდეგ თამაშიც ძალიან ძნელია."
"იუნაიტედმა" სეზონი არც თუ კარგად დაიწყო და მომიწევს სამუშაოს პროფესიონალურად მივუდგე. დარწმუნებული ვარ, ემოციებს ადგილი ექნება, მაგრამ მათი გვერდზე გადადება მომიწევს." - აცხადებს რიო.