"მანჩესტერ იუნაიტედის" კუთვნილებაში მყოფი მექსიკელი ფორვარდი, ხავიერ ერნანდესი, რომელიც მადრიდის "რეალს" იჯარის წესით შეუერთდა აცხადებს, რომ იგი სათადარიგოთა სკამზე დაჯდომას არ აპირებს. "როცა ვარჯიშებზე თავგამოდებით ირჯები, ფიქრობ, რომ სათადარიგოთა სკამზე არ დაჯდები. თითოეულ მოთამაშეს თანაბარი შანსი აქვს და იმედი უნდა დაიტოვო, რომ სწორედ შენ ითამაშებ."
"ვიცი, რომ კარიმ ბენზემასთან მომიწევს კონკურენციის გაწევა. მაგრამ ეს არ მაშინებს, მსგავს რამეს "იუნაიტედშიც" ვაწყდებოდი. ასე რომ, მსგავსი სახის დაპირისპირება სასარგებლო იქნება ჩემთვის. მე შესაძლებლობა მქონდა დიმიტარ ბერბატოვთან, რობინ ვან პერსისთან და უეინ რუნისთან ერთად ერთ გუნდში მეთამაშა და მათგან ბევრი რამ ვისწავლე."