"მანჩესტერ იუნაიტედის" მთავარი მწვრთნელი, ლუი ვან გაალი აცხადებს, რომ პრემიერ-ლიგის პირველ სამეულში მოხვედრა სავსებით რეალური მიზანია.
"იუნაიტედის" აღმასრულებელმა დირექტრომა, ედ ვუდვორდმა მცირე ხნის წინ განაცხადა, რომ კლუბის ბიუჯეტი გათვლილია ჩემპიონთა ლიგის პირდაპირი საგზურის მოპოვებაზე.
მიუხედავად იმისა, რომ "იუნაიტედმა" წინა წელი მე-7 ადგილზე დაასრულა, ვან გაალი მზადაა ეს ნახტომი განახორციელოს და ხელმძღვანელობის დავალება შეასრულოს.
"არ ვფიქრობ, რომ ეს არარეალური მიზანია. "მანჩესტერ იუნაიტედის" მსგავსმა გუნდმა მიზანი უნდა დაისახოს. მეც ვისახავ მიზნებს. სამეულში ყოფნა - ეს ლოგიკურია, რადგან "მანჩესტერ იუნაიტედს" ჩემპიონთა ლიგაზე თამაში სურს."
"სატრანსფერო ბაზარზე კარგად გავისარჯეთ. ჩემპიონთა ლიგაზე არ ყოფნის მიუხედავად მოთამაშეები "იუნაიტედში" მაინც მოდიან. ეს დიდი პლუსია. ასევე გვინდა შედეგების მიღწევა და ამას "ქპრ"-სთან, კვირას გასამართ შეხვედრაში დავიწყებთ."