12-09-2014, 09:50

ავტორი: RedGirl,

ნანახია: 1348,

კომენტარები: 6

ფალკაო: "მინდა "მანჩესტერთან" ერთად ისტორია შევქმნა"

ფალკაომ მის ტრანსფერზე და ფიზიკურ მომზადებაზე ისაუბრა.

კოლუმბიელი ფორვარდი "ოლდ ტრაფორდზე" ხუთშაბათს გადმობარგდა და წითელი მაისურის მორგებისთანავე "იუნაიტედის" მწვერვალზე დაბრუნება დაისახა მიზნად.

ფალკაო "იუნაიტედმა" დედლაინის დღეს შეიძინა. 28 წლის ფორვარდი შეიძლება ზოგიერთმა ვერც კი მოიაზროს რუნისა და პერსის გვერდით, მაგრამ ყველა დარწმუნებულია, რომ ის კიდევ შეძლებს დიდებული სეზონის ჩატარებას და უხვად მოამარაგებს კლუბს გოლებით. ისევე როგორც ეს ხდებოდა "პორტოში", "ატლეტიკოსა" და "მონაკოში".

"ვიმედოვნებ, რომ "მანჩესტერ იუნაიტედში" დიდი ხანი დავრჩები და ამ კლუბის ისტორიას შევქმნი. როცა ვთამაშობდა "პორტოსა" და "ატლეტიკოში" მე ყოველთვის ვოცნებობდი ვყოფილიყავი ნაწილი ისეთი დიდებული კლუბისა როგორიც "იუნაიტედია". ახლა ეს ოცნება ამისრულდა და მინდა დიდ ხანს გაგრძელდეს და წლები გავატარო ამ "ოცნების თეატრში".

"მე არ ვფიქრობ, რომ ძალიან დიდი დრო დამჭირდება აქაურობასთან შესაგუებლად. "იუნაიტედს" ბევრი კარგი ფეხბურთელი ჰყავს და ეს გიადვილებს ფეხბურთის თამაშს. მე მიჩვეული ვარ მანჩესტერის მსგავს ქალაქებში ცხოვრებას. იმასაც ვფიქრობ, რომ ადაპტაციის პრობლემა არ მაქვს."

"ეს ახალი პროგრესი, ახალი გუნდია. ამ ზაფხულს "მანჩესტერმა" კარგი ფეხბურთელები შეიძინა და იწყება ახალი კლუბის შენება. ძალიან მინდა ამ პროექტის და ამ ისტორიის ნაწილი გავხდე."

ფალკაომ თავის ტრამვაზეც ისაუბრა:

"კარგად ვგრძნობ თავს. "მონაკოში" თამაში ორი თვის წინ განვაახლე და ბოლო თვეებში ცოტათი კიდევ უფრო გავუმჯობესდი."

"მე გამქონდა გოლები, რაც ფორვარდებისთვის მნიშვნელოვანია და მე დარწმუნებული ვარ, რომ ფიზიკურადაც მზად ვარ. მუხლი არაფერში მიშლის ხელს. თავს კარგად ვგრძნობ."

ManUtdNews

სიახლეები

6 კომენტარი