"მანჩესტერ იუნაიტედის" მთავარ მწვრთნელს, ლუი ვან გაალს ფალკაოში ეჭვი არ ეპარება და მას მსოლფიო დონის თავდამსხმელად მიიჩნევს.
"აქ არაფერია განსახილველი, რადგან ფალკაო ჩემთვის მსოფლიოს ერთ-ერთი საუკეთესო თავდამსხმელია. როცა მის შედეგებს გადახედავთ ის უბრალოდ დაუჯერებელი მოგეჩვენებათ. დღეს, სავარჯიშო პროცესში მას ერთი ბურთი ჰქონდა და იმითაც გოლი გაიტანა, რითაც დაამტკიცა კიდეც ჩემი სიტყვები პირველსავე ვარჯიშზე."
"როცა ამას ვამბობ, მასზე უდიდეს ზეწოლას ვახდენ და ეს კარგი არ არის, რადგან ადვილი არაა სხვა კლუბიდან "მანჩესტერ იუნაიტედში" გადასვლა. გასახდელში ახალი იერარქია სუფევს და ვიცი ეს ადვილი არ არის, ამიტომაც ვითხოვე დრო, რადგან ვიცოდი, ეს აუცილებლად მოხდებოდა."
ახალი მწვრთნელი ცდილობს ახალწვეულები სასტარტო შემადგენლობას მოარგოს.
"ძალიან დიდი იმედი მაქვს, რომ მოერგებიან რადგან მათ ჩვენი ფილოსოფია უნდა შეითავსონ და ეს ფილოსოფია ადვილი არ არის. ეს ერთხელ უკვე ვიხილეთ, მაგრამ ჩვენი აზრით ფეხბურთელებმა, რომლებიც ჩვენ ვიყიდეთ უკეთ უნდა მოახერხონ ეს, წინააღმდეგ შემთხვევაში ჩვენ მათ არ ვიყიდდით."