ზაფხულის სატრანსფერო ფანაჯარაზე "ქპრ"-ში გადასვლის შემდეგ, რიო ფერდინანდს საშუალება მიეცემა გულშემატკივარს ახლოდან გადაუხადოს მადლობა.

პრემიერ-ლიგის მეოთხე ტურის შეხვედრაში "მანჩესტერ იუნაიტედი" რიოს ახალ კლუბს, "ქპრ"-ს უმასპინძლებს.

ფერდინანდი გამოტყდა, რომ მას "ვალენსიასთან" ამხანაგურ შეხვედრაში საშუალება მიეცა შეხვედრის დაწყებამდე მოედანზე ჩასულიყო და გულშემატკივრებისთვის მადლობა გადაეხადა.

"სასიამოვნო იქნება დაბრუნება და ყველას ნახვა, როცა "ქპრ"-სთან ერთად დავბრუნდები. ზაფხულში სავარჯიშო ბაზაზე მივედი, რათა სამზარეულოში მომუშავე ქალბატონები და ოფისის თანამშრომლები მენახა, ვისაც წლების განმავლობაში ვიცნობ და ვინც მეხმარებოდა."

"ედ ვუდვორდმა "ვალენსიასთან" წინასასეზონო შეხვედრის დაწყებამდე საშუალება მომცა დაბლა ჩავსულიყავი და ეს გამეკეთებინა (დამშვიდობება), მაგრამ ვიფიქრე, რომ არასწორი იქნებოდა. უფრო ბუნებრივია დაბრუნება და თამაში, ყველასთვის ხელის დაქნევა და თქმა: "გმადლობთ".

"ლიდსიდან" 2002 წელს გადასვლის შემდეგ, ფერდინანდმა "იუნაიტედის" რიგებში 444 მატჩი ჩაატარა. მისი აზრით წელს შესაფერისი დრო იყო კლუბის დატოვებისთვის.

"ეს ძველი "კლიშეა", მაგრამ კლუბი უფრო დიდი, ვიდრე სხვა ნებისმიერი ადამიანი და ეს მართალია. ის უფრო მეტია, ვიდრე ერთი მოთამაშე და მე მესმოდა ეს. მე არ ვარ საკმარისად ეგოისტი იმისთვის, რომ მეფიქრა, ყველაფერი ჩემს ირგვლვი ეწყობოდა და რომ მე ღირსი ვიყავი "მანჩესტერ იუნაიტედში" დავრჩენილიყავი. ყველას აქვს წასვლის დრო და ჩემი დრო ახლა დადგა."

წყარო: manutd.com