"მანჩესტერ იუნაიტედის" ყოფილი ფეხბურთელი, ნიკი ბატი აცხადებს, რომ სერ ალექს ფერგიუსონი მას ინგლისის ნაკრებში თამაშის საშუალებას არ აძლევდა.
თავისი სათამაშო კარიერის გამავლობაში ნიკი ბატმა 39 შეხვედრა ჩაატარა "სამ ლომთა" რიგებში, მის ანგარიშზე 2002 წლის მსოფლიო ჩემპიონატსა და ევრო 2004-ზე მოხვედრაც არის.
თუმცა, ნიკი ბატმა ჟურნალისტებს განუცხადა, რომ თავისი საფეხბურთო კარიერის განმავლობაში უფრო მეტჯერაც შეეძლო ეროვნული ნაკრების მაისურის მორგება.
"როცა სანაკრებო მატჩების დრო დგებოდა, ის (ფერგიუსონი) მეუბნებოდა: "სულ მალე ნაკრებში გამგზავრება მოგიწევს. მაგრამ არ წახვალ." - ციტირებს ბატს daily mail - ი.