ლეგენდას სჯერა, რომ ყველა ითამაშებს.
"მანჩესტერ იუნაიტედის" ლეგენდა, პოლ სქოულზი თვლის, რომ ლუი ვან გაალი შეძლებს ყველა ვარსკვლავის ძირითადში გამწესებას.
ახლახანს დახურული სატრანსფერო ფანჯრის შემდეგ "მანჩესტერ იუნაიტედს" ლუკ შოუ, ანდერ ერერა, ანხელ დი მარია, დეილი ბლინდი, მარკოს როხო და რადამელ ფალკაო შეურთდნენ და მათ დახვდნენ ისეთი ფეხბურთელები, როგორებიც ხუან მატა, უეინ რუნი და რობინ ვან პერსი არიან.
კვირას გასამართ შეხვედრაში, რომელშიც "მანჩესტერ იუნაიტედი" "ქპრ"-ს მიიღებს საშინაო არენაზე, რამდენიმე პოტენციური დებიუტია მოსალოდნელი. კლუბის ოფიციალურ ტელევიზიასთან საუბარში პოლი აცხადებს, რომ მიუხედავად ერთბაშად შეკრებილი უამრავი ვარსკვლავისა და ლუი ვან გაალი მათ მოუძებნის ძირითადში ადგილს.
"ფეხბურთელთა კალიბრი, რომელიც ჩვენ მოვიყავენთ ტოპ-კლასს შეესაბამება. მაგ. ანხელ დი მარია და რადამელ ფალკაო. ისინი განსაკუთრებული ფეხბურთელები არიან. საჭიროა მხოლოდ მათი ერთ გუნდში დაყენება, უკეთესად თამაში და გოლების გატანა - რაც საკმაოდ ცუდად გამოგვდის."
"არც დაცვით ხაზში ვართ იდეალურები, ასე რომ, მან ესეც უნდა მოაგვაროს. ამის შემდეგ კი ჩემი რწმენით ჩემპიონთა ლიგაში ადგილისთვის ბრძოლასაც შევძლებთ." - განაცხადა სქოულზმა.
როცა ჰკითხეს, იქნებოდა თუ არა უდიდესი პრობლემა ახალი ფეხბურთელების სასტარტო თერთმეტეულში დაყენება, მან განაცხადა:
"ასეა, დიახ. მაგრამ ეს ცუდი პრობლემა არ არის."
"გულშემატკივარი სწუხდა ფეხბურთელების დონის გამო, რომლებიც კლუბში იყვნენ, მაგრამ ახლა ვეღარ გააკეთებენ ამას. ვფიქრობ, ედ ვუდვორდმა სატრანსფერო ბაზარზე დიდებული სამუშაო გასწია რამდენიმე შენაძენით. ახლა მწვრთნელის საქმეა პრობლემების გადაწყვეტა და ჩვენთვის ახალი კარგი გუნდის შექმნა."სქოულზი ძალიან მოხარულია ფალკაოსა და დი მარიას გამო, რომლებიც "იუნაიტედის" თამაშებს დიდებულ ელფერს შესძენენ.
"მსურს დი მარიამ ფლანგზე ითამაშოს. დარწმუნებული არ ვარ, რომ ვან გაალი მას ფართოდ გამოიყენებს, მაგრამ არგენტინის და გერმანიის დაპირისპირებაში ანხელმა გვაჩვენა რა შეუძლია, როცა ფლანგზე თამაშობს. მარცხნივ იდგება თუ მარჯვნივ, მას შიშისმომგვრელი სახე აქვს."
"მას შეუძლია ფეხბურთელებს გასცდეს და გოლი გაიტანოს. სწორედ ეს გვაკლია. დარწმუნებული ვარ ის ცენტრალურ პოზიციებზე ითამაშებს, მაგრამ ჩემზე რომ იყოს დამოკიდებული მას ფართო სივრცეებს მივცემდი."
"ფალკაოს საგოლე რეკორდები დიდებულია, რომელიც მან "პორტოსა" და "ატლეტიკო მადრიდში" აჩვენა. მის მიერ გატანილი გოლები მნიშვნელოვანია და ის გუნდს ამოძრავებს. 28 წლის ასაკში მას უდიდესი გამოცდილება აქვს."
"უბრალოდ იმის იმედი იქონიეთ, რომ მისი მუხლი მწყობრშია, ერთადერთი პრობლემა ეს არის. მაგრამ ერთხელაც იგი ათამაშდება და დი მარია მას მომენტებს შეუქმნის, ჩვენ კი გოლების გატანას დავიწყებთ."წყარო:
manutd.com