"მანჩესტერ იუნაიტედის" ნახევარმცველი, ეშლი იანგი მიიჩნევს, რომ პრემიერ-ლიგის ტიტულისთვის ბრძოლაში მისი კლუბის ჩამოწერა ჯერ არ ღირს.
მიუხედავად იმისა, რომ "წითელ ეშმაკებს" მხოლოდ ორი ქულა აქვთ სამ სასტარტო შეხვედრაში, იანგი დარწმუნებულია, რომ ლუი ვან გაალი ტიტულისთვის მებრძოლ გუნდს შექმნის.
"წინა წლებში, როცა ჩვენ სეზონს ასევე ცუდად ვიწყებდით ტიტულისთვის მაინც ვიბრძოდით. ხალხს არ სჯერა ჩვენი, მაგრამ ისეთი კლუბის ჩამოწერა, როგორიც "იუნაიტედია" არ შეიძლება."
"ხალხმა შესაძლოა ბევრი რამ თქვას, მაგრამ კარგად ვიცით რისკენ ვისწრაფვით, რა მიზნები გვაქვს და რისი მიღწევა გვსურს. პანიკას აზრი არ აქვს, ჯერ მხოლოდ რამდენიმე ტურია გასული."
"დარწმუნებული ვარ, ყველაფერი შეიცვლება, გულშემატკივარმა არ უნდა იღელვოს. მწვრთნელმა თავის ფილოსოფიაში დაგვარწმუნა. გვჯერა, რომ ყველაფერს გამოვასწორებთ."
"შედეგის მიღწევა გვსურს და წინასასეზონო ტურნეს გახსენებისას რწმენა გიჩნდება, რომ ყველაფერი ნათლად აისახება." - განაცხადა იანგმა.