"აიაქსის" მთავარი მწვრთნელი, ფრანკ დე ბური დარწმუნებულია, რომ დეილი ბლინდი ჩამშლელი ნახევარმცველის პოზიციაზე მოინდომებს თამაშს.
ბლინდს, რომელიც "მანჩესტერ იუნაიტედმა" 14 მლნ. ფუნტი დაუჯდა შეუძლია კვირა დღეს ჰქონდეს თავისი დებიუტი ახალი კლუბის რიგებში. მიუხედავად იმისა, რომ დეილის უამრავ პოზიციაზე შეუძლია თამაში, დე ბური დარწმუნებულია, რომ მისი ყოფილი ქვეშევრდომი ნახევარმცველის პოზიციას აირჩევს.
"კარიერა ფლანგის მცველის პოზიციაზე დაიწყო, მაგრამ ვფიქრობ, რომ ახლა ის ჩამშლელი ნახევარმცველის პოზიციაზე ამჯობინებს თამაშს. მას ორი-სამი ვარიანტი აქვს - ფლანგის მცველის პოზიცია და მარცხენა ცენტრალური მცველის პოზიცია."
"დეილისთვის ეს ბრწყინვალე ტრანსფერია. იგი "აიაქსში" 10 წლიდან თამაშობდა და იმედი მაქვს ახლა "იუნაიტედშიც" გამოიჩენს თავს. ვფიქრობ, იგი პრემიერ-ლიგის რიტმს უნდა შეეგუოს, მაგრამ ჭკვიანი ბიჭია და ჩვენს დროში ეს ძალიან მნიშვნელოვანია" - განაცხადა დე ბურმა.