დევიდ მოიესი მიიჩნევს, რომ ინგლისის ნაკრებსა და "მანჩესტერ იუნაიტედში" კაპიტნის სამკლაური მორგება უეინ რუნის უკეთეს ფეხბურთელად ჩამოყალიბებაში დაეხმარება.

ამ ზაფხულს უეინმა ნემანია ვიდიჩისა და სტივენ ჯერარდისგან კაპიტნის სამკალური გადაიბარა, რამაც "იუნაიტედისა" და ინგლისის ნაკრების კაპიტნად აქცია. მოიესის აზრით, კარიერის ამ ეტაპზე რუნის სწორედ ეს ესაჭიროება.

"პროფესიონალური კუთხით ეს რუნისთვის შესანიშნავი დროა და ის მზადაა ამისთვის. თავისი კარიერის ამ ეტაპზე იგი თავდაჯერებულია და სურს დამატებითი პასუხისმგებლობა დაიკისროს, რაც თანა ახლავს კაპიტნობას. ამან შეიძლება იგი კიდევ უფრო განავითაროს, როგორც მოთამაშე."

"მას სურს აჩვენოს, რომ ვითარდება. რომ მსოფლიო დონის მოთამაშე გახდა. ახლა კი შეუძლია აჩვენოს, რომ ასეთ პასუხისმგელობასაც ატარებს და მსოლფიო დონის კაპიტანი იქნება."

"შესაძლოა სამკლაურს რთულ დროს იღებს, რადგანაც ყველამ იცის, რომ "იუნაიტედში" გარდატეხის პერიოდია. არამგონია ამ პასუხისმგელობამ მასზე ცუდად იმოქმედოს, პირიქით, იგი მას წააქეზებს."

"ის ყოველთვის მიზანდასახული პიროვნება იყო, ვინც საკუთარი თავის წარმოჩენას ესწრაფვოდა. მან აჩვენა, რომ დიდებული მოთამაშეა, ახლა კი სურს აჩვენოს, რომ დიდებული კაპიტანია. ვფიქრობ შეძლებს. მას ინგლისის ნაკრებთან "მანჩესტერ იუნაიტედთან" ერთად თასის აღმართვის სურვილი ექნება." - განაცხადა მოიესმა.

წყარო: fapl.ru