ინგლისის ნაკრების კაპიტანი, უეინ რუნი გვარწმუნებს, რომ მას და მის თანაგუნდელებს როი ჰოჯსონის "100 %-ით სჯერათ."
მსოლფიო ჩემპიონატზე განცდილი პირველივე მარცხის შემდეგ ჰოჯსონი პრესისა და გულშემატკივრის კრიტიკის ქვეშ მოეცა. კრიტიკის დონე კი სულ უფრო და უფრო მატულობს, რადგან "სამ ლომთა" თამაშის ხარისხი სულ უფრო და უფრო ეცემა.
ევრო 2016-ის შესარჩევი ეტაპის სტარტის აღებამდე, რუნიმ განაცხადა, რომ გუნდში არავითარი უთანხმოება და ეჭვი არ არსებობს ჰოჯსონის მიმართ.
"ჩვენ, როგორც გუნდი და არა მარტო მე როი 100 %-ით ვუჭერთ მხარს. ეს გამოჩნდა მსოლფიო ჩემპიონატიდან გამოვარდნის შემდეგ. მას თავისი იდეები მოაქვს. ვიცით, რომ მსოფლიო ჩემპიონატი დიდი იმედგაცრუება იყო, მაგრამ ძველებურად მჯერა, რომ ჩვენ, როგორც გუნდს წინსვლა შეგვიძლია. ჩვენ მუდმივად ვპროგრესირებთ. ვფიქრობ ამის ჩვენებას საკვალიფიკაციო რაუნდის მომდევნო ორ წელიწადში მოვახერხებთ."
"ბიჭები ბეჯითად შრომობენ, რათა როის იდეებიდან მაქსიმუმი მიიღონ. იმედი მაქვს, ამას მომდევნო ორ წელიწადში ვაჩვენებთ და ყველა დაინახავთ, თუ რა კარგი გუნდი ვართ." - განაცხადა რუნიმ.