"მანჩესტერ იუნაიტედის" სამწვრთნელო შტაბის ყოფილმა წევრმა, რენე მალესტინმა კლუბის სატრანსფერო პოლიტიკის შესახებ საკუთარი აზრი გამოთქვა.
"რა თქმა უნდა გაოცებული დავრჩი, რომ ცენტრალური მცველი არ შეისყიდეს. ყველა გაზეთი, ტელე და რადიოგადაცემა იმას ამბობდა, რომ "იუნაიტედს" ამ პოზიციის გაძლიერება ესაჭიროება. ყველა ელოდა, რომ "იუნაიტედი" ორ პოზიციას გააძლიერებდა - ისინი ერთ ცენტრალურ ნახევარმცველს და ერთ ცენტრალურ მცველს იყიდდნენ, მაგრამ ასე არ მოხდა."
"ნათელია, რომ რადამელ ფალკაო - მსოფლიო კლასის ფეხბურთლია. მაგრამ მას დრო დასჭირდება ჩვეულ ფორმაში ჩასადგომად, რადგან მან მცირე ხნის წინ რთული ტრავმა გადაიტანა. აი შეძლებს თუ არა მაქსიმუმის ჩვენებას რაც მას შეუძლია - ეს უკვე საკითხავია."