"მანჩესტერ იუნაიტედის" საშინაო არენის, "ოლდ ტრაფორდის" წინ დეკემბერში ახალი სასტუმრო გაიხსნება.
სასტუმროს "იუნაიტედის" ყოფილი ფეხბურთელები, რაიან გიგზი და გარი ნევილი "კლას 92"-ის წევრების, ნიკი ბატის, ფილ ნევილისა და პოლ სქოულზის მხარდაჭერით გახსნიან.
საფეხბურთო სასტუმრო Sir Matt Busby Way -ზე გაიხსნება და ადგილების დაჯავშნა 8 დეკემბრიდან იქნება შესაძლებელი.
"მანჩესტერ იუნაიტედის" მხარდამჭერებს სასტუმრო 133 ოთახს, უფასო wi-fi-ს და ტელეარხ Sky-ს სთავაზობს.
"იმაში დასარწმუნებლად, რომ სასტუმრო მიიღებს არა მარტო ფეხბურთის გულშემატკივრებს, არამედ ყველას ინდუსტრიაში ჩახედულ ხალხთან ერთად ვმუშაობთ, რათა უნიკალური და კლიენტების კარგად მომსახურებაზე კონცენტრირებული სასტუმრო შევქმნათ." - განაცხადა გარი ნევილმა.