"მანჩესტერ იუნაიტედისა" და ინგლისის ნაკრების კაპიტანს, უეინ რუნის არ აწუხებს თავისი მდგომარეობა სანაკრებო დონეზე.
ინგლისის ნაკრების თავდამსხმელის, დანიელ სტარიჯის ტრავმის გამო როი ჰოჯსონი ტაქტიკის შეცვლას და 4-3-2-1 წყობაზე გადასვლას აპირებს. შედეგად, სტარიჯის ადგილს ყოფილი "ეშმაკი", დენი უელბეკი დაიკავებს. მის უკან კი ახალგაზრდა "ლივერპულელი", რაჰიმ სტერლინგი გამწესდება, რომელიც თავისთვის საყვარელ პოზიციას დაუბრუნდება.
როგორც მოსალოდნელია, ეს ცვლილება რუნის ფლანგზე გადაყვანას გამოიწვევს, თუმცა ინგლისის ნაკრების კაპიტნის თქმით მისთვის გუნდური ღირებულებები უფრო მნიშვნელოვანია და იქ ითამაშებს, სადაც მწვრთნელი მიუთითებს.
"სადაც როი ჰოჯსონს სურს რომ ვითამაშო, იქ ვითამაშებ. ეს ცხადია."
"არ მაინტერესებს რას ფიქრობს სხვა. მე აქ ინგლისის ნაკრებში სათამაშოდ ვარ. როი არის მწვრთნელი და ის განალაგებს გუნდს."
"ვითამაშებ იმ ინსტრუქციების მიხედვით, რასაც მწვრთნელი მომცემს." - განაცხადა რუნიმ.