"მანჩესტერ იუნაიტედის" ნახევარმცველმა, დარენ ფლეტჩერმა განაცხადა, რომ წყლულოვან კოლიტს საბოლოოდ სძლია.
ნაწლავთან დაკავშირებული ქრონიკული დაავადების გამო 2011 წლის დეკემბერში ფლეტჩერმა თავისი კარიერა გაურკვეველი ვადით შეწყვიტა. თუმცა, ქირურგიული ოპერაციის, ინტენსიური მკურნალობისა და სპეციალური დიეტის შემდეგ დარენ ფლეტჩერი სრულად გამოჯანმრთელდა. ეს გზა გრძელი და რთული აღმოჩნდა.
უკანასკნელი 3 წლის განმავლობაში დარენმა პრემიერ-ლიგაში მხოლოდ 23 შეხვედრის გამართვა მოახერხა. ახლა კი დარენი მზადაა აბსოლუტურად ყველა შეხვედრაში მიიღოს მონაწილეობა.
"ეს ემოციები უკან მოვიტოვე და ჩვეულ მდგომარეობას დავუბრუნდი. მოედანზე კვლავინდებურად ვიბრძვი და გამარჯვებების მოპოვებას ვცდილობ."
"ავადმყოფობა აღარ მაწუხებს. საქმე იმაში არაა, რომ ის უნდა გადავლახო - ის უბრალოდ არ მაქვს. ეს ოპერაციის შედეგია. ახლა თავს გაცილებით კარგად ვგრძნობ." - ციტირებს ვიცე-კაპიტნის სიტყვებს Manchester Evening News.