The Independent - ის მტკიცებით. მომდევნო წელს "მანჩესტერ იუნაიტედი" შეეცდება მადრიდის "რეალის" სუპერვარსკვლავი, კრიშტიანუ რონალდუ "ოლდ ტრაფორდზე" დააბრუნოს. თავად მოთამაშე წინააღმდეგი არ არის და შესაძლოა თანახმაც კი იყოს დაბრუნებაზე.

მცირე ხნის წინ, პორტუგალიის ნაკრების ფეხბურთელმა განაცხადა, რომ იგი მანჩესტერში დაბრუნებაზე ფიქრობს. ასევე დაირხა ხმა, რომ რონალდუსა და "რეალის" ხელმძღვანელობის ურთიერთობა დალაგებული არ არის, რისი მიზეზიც სატრანსფერო პოლიტიკა გახლავთ.

"მე ჩემი აზრი მაქვს (სატრანსფერო პოლიტიკის შესახებ), მაგრამ ყოველთვის ვერ ვამბობ იმას, რასაც ვფიქრობ." - ცოტა ხნის წინ განაცხადა რონალდუმ.

"მანჩესტერ იუნაიტედის" ახალწვეული, ანხელ დი მარია, რომელიც რონალდუს ახლო მეგობარია, ასევე აცხადებს, რომ რონალდუმ შესაძლოა მალე დატოვოს "რეალი".

"არ ვიცი ამას კიდევ რამდენ ხანს შეურიგდება რონალდუ მადრიდში. შთაბეჭდილება მექმნება, რომ ის ძალიან ბედნიერი არ არის." - აცხადებს დი მარია.

შეგახსენებთ, რონალდუს "რეალში" გადასვლა 2009 წლის ივნისში მოხდა. გასულ წელს კი კრიშტიანუმ ახალ კონტრაქტს მოაწერა ხელი, რომელიც მას მადრიდელებთან 2018 წლამდე აკავშირებს და რომელმაც იგი ყველაზე მაღალანაზღაურებად ფეხბურთელად აქცია.

წყარო: fapl.ru