"მანჩესტერ იუნაიტედს" მოუწევს 4 მლნ. ფუნტი გადახადოს მადრიდის "რეალს" იმ შემთხვევაში, თუ ანხელ დი მარია "ოქროს ბურთის" მფლობელი გახდება.
დი მარიას გადასაბირებლად, "წითელ ეშმაკებს" პრემიერ-ლიგის აბსოლუტური რეკორდის დამყარება და 60 მლნ. ფუნტის გადახდა მოუხდათ.
თუმცა, კლუბებს შორის არსებობს დამატებითი შეთანხმება, რომლის მიხედვითაც "რეალს" ბონუსების მიღების იმედი აქვს.
კონკრეტულად, იმ შემთხვევაში, თუ დი მარია "ოლდ ტრაფორდზე" ყოფნის პერიოდში მსოფლიოს საუკეთესო ფეხბურთელის წოდებას მიიღებს, "იუნაიტედი" 4 მლნ. ფუნტს გადაუხდის მადრიდულ კლუბს.
დავამატებთ, რომ დი მარიას წელს შესანიშნავი შანსი აქვს "ოქროს ბურთის" მიღების. მისი დახმარებით "რეალი" ჩემპიონთა ლიგის გამარჯვებული, არგენტინის ნაკრები კი მსოლფიო ჩემპიონატის ფინალისტი გახდა.