თუ ანხელ დი მარიას აგენტს დავუჯერებთ, არგენტინელი იმ შემთხვევაშიც ბედნიერი იქნებოდა თუ "იუნაიტედზე" ნაკლებ ხელფასს აიღებდა "რეალში".
მაშინ როდესაც კლუბის პრეზიდენტი, ფლორენტინო პერესი აცხადებს, რომ თავად დი მარია არ იყო კმაყოფილი შეთავაზებული კონტრაქტით, არგენტინელის წარმომადგენელი აცხადებს, რომ მისი კლიენტი ასეთ სიხარბეს არასოდეს ჩაიდენდა.
"დი მარია "იუნაიტედში" 8 მილიონის სანაცვლოდ გაემართა. "რეალში" კი უფრო ნაკლებ ხელფასითაც ბედნიერი იქნებოდა." - აცხადებს დი მარიას აგენტი, ეუგენიო ლოპესი.
"მას დარჩენა სურდა. ხელფასებს შორის სხვაობა 1 მილიონი იყო. "რეალმა" საუბარი კი დაიწყო ამ საკითხზე, მაგრამ მოგვარება არ ისურვა."
ლოპესმა აგრეთვე "რეალის" ხელმძღვანელობას ტყუილშიც დასდო ბრალი. "როდესაც მადრიდში ჩამოვედით, მას მოუწია იმაზე ნაკლებ ხელფასზე თანხმობის თქმა, ვიდრე მას თავიდან დაპირდნენ. შემდეგ მათ განაცხადეს, რომ კონტრაქტს 6 თვეში გააუმჯობესებდნენ. მათ კი ამისთვის 2 წელი დასჭირდათ." - დაასრულა დი მარიას აგენტმა.