"the Daily Star"-ის ინფორმაციით, "მანჩესტერ იუნაიტედს" სავარაუდოდ 2 წელი მოუწევს ლოდინი, თუ სურს შეიძინოს გერმანელი მცველი მატს ჰუმელსი, რომელმაც მსოფლიო ჩემპიონატი მოიგო და 2 გოლიც მიიწერა.
ამ ზაფხულს კლუბი ცდილობდა "ბორუსიის დორტმუნდიდან" გადმოებირებინათ ჰუმელსი, ვინაიდან ახალი მწვრთნელი, ლუი ვან გაალი ცდილობს გუნდი თავიდან ააწყოს და საუკეთესო შედეგი აჩვენოს პრემერ-ლიგაში. მას ნამდვილად არ სურს კლუბმა წინა სეზონის შედეგი გაიმეოროს.
ამ ყველაფერთან ერთად, "დორტმუნდი" უარყოფს ყველა იმ ჭორს რომელიც 25 წლის მცველის გარშემო ტრიალებდა, რომელმაც ორჯერ გაიტანა გოლი ტურნირზე ბრაზილიაში, რომელიც საბოლოოდ გერმანელების ჩემპიონობით დასრულდა არგენტინასთან ფინალში თამაშისას.
"იუნაიტედი" რჩება დაინტერესებულ მხარედ ცენტრალური მცველის მანჩესტერში წამოსაყვანად, თუმცა შესაძლოა კლუბს მოუწიოს ლოდინი 2016 წლამდე, როდესაც ფეხბურთელს დარჩება კონტრაქტის მიხედვით 1 წელი, მაგრამ ეს ყველაფერი შესაძლებელი იქნება მხოლოდ მაშინ, თუ ფეხბურთელმა ახალ კონტრაქტს არ მოაწერა ხელი.