"მანჩესტერ იუნაიტედის" ლეგენდარული მეკარის, პეტერ შმეიხელის აზრით, რადამელ ფალკაოს შეძენა უფრო მეტია, ვიდრე კარგი ფეხბურთელის შეძენა.
ჭორებს თუ დავუჯერებთ, რადამელ ფალკაოს ხელფასი "ოლდ ტრაფორდზე" 300 ათასი ფუნტი იქნება კვირაში.
ლეგენდარული კიპერის აზრით, ფალაკოს შეძენა "იუნაიტედის" მხრიდან ვარსკვლავების გადაბირების უნარის დემონსტრირებაა.
"ის "იუნაიტედს" სიდიადეს შეჰმატებს. ეს უკვე მოხდა, რადგან ბოლო 14 თვის განმავლობაში ისე ჩანდა, თითქოს "მანჩესტერ იუნაიტედში" თამაშში აღარავის სურს, არც ერთი დიდი მოთამაშე აღარ ითამაშებს "მანჩესტერ იუნაიტედში".
"გაიხსენეთ, მას დიდ მსოფლიო ჩემპიონატს უწინასწარმეტყველებდნენ. ბევრი ფიქრობდა, რომ ის დიდებულად ჩაატარებდა ტურნირს და საუკეთესო ფეხბურთელი გახდებოდა. მან "იუნაიტედი" ამჯობინა "სიტის" და ეს მნიშვნელოვანია."
"მან უკვე გააკეთა კლუბისთვის ბევრი, რასაც ალბათ ვერც კი აცნობიერებს. როგორც იცით, ორ კვირაში "ქპრ"-ს ვეთამაშებით და დარწმუნებული ვარ, რომ ითამაშებს და კარგადაც ითამაშებს. მისი ეჭვგარეშე კლასის წყალობით იგი "მანჩესტერ იუნაიტედის" დიდი ფეხბურთელი გახდება." - განაცხადა შმეიხელმა.