ბრიტანული პრესის თანახმად, "მანჩესტერ იუნაიტედის" მთავარმა მწვრთნელმა, ლუი ვან გაალმა ხელმძღვანელობისგან სამი ფეხბურთელის შესყიდვის ნებართვა მიიღო. ესენი არიან ჰოლანდიელი კევინ სტროოტმანი, რომელიც იტალიური რომას ღირსებას იცავს და გერმანელები, მარკო როისი და მატს ჰუმელსი, რომლებიც დორტმუნდის "ბორუსიაში" ასპარეზობენ.
პრიორიტეტულ ტრანსფერად კევინ სტროოტმანის გადაბირება ითვლება, რომელთან ერთადაც ვან გაალს ჰოლანდიის ნაკრებში უმუშავია. 24 წლის ნახევარმცველის ტრანსფერი 30 მილიონად ფასდება, მაგრამ "რომას" მთავარი მწვრთნელის, რუდი გარსიას განცხადებით ისინი ჰოლანდიელს 79 მილიონზე ნაკლებ ფასში არ შეელევიან.
მატს ჰუმელსისა და მარკო როისის გადაბირებას კი "მანჩესტერ იუნაიტედი" ზაფხულშიც ცდილობდა, მაგრამ მხარეებს შორის შეთანხმება ვერ შედგა.