სატრანსფერო ფანჯრის დახურვამდე "მანჩესტერ იუნაიტედი" კიდევ ერთხელ ეცადა მატს ჰუმელსის "ბორუსიადან" და "სპორტინგის" საყრდენის ვილიამ კარვალიოს გადმობირებას.
ამ ზაფხულში "წითელმა ეშმაკუნებმა" საკმაოდ დიდი თანხა - 150 მილიონი დახარჯეს ტრანსფერებში, მაგრამ სატრანსფერო ფანჯრის ბოლო დღეს შესაძლო იყო ეს თანხა კიდევ გაზრდილიყო.
როგორც ESPN გვამცნობს, როდესაც "იუნაიტედი" და "ბორუსია" მოლაპარაკებებს მართავდნენ შინჯი კაგავას თაობაზე, კიდევ ერთხელ წამოიჭრა მატს ჰუმელსის თემა.
"წითელი ეშმაკუნები" მზად იყვნენ კაგავას 20 მილიონი ფუნტი დაემატებინათ და ჰუმელსი "ოლდ ტრაფორდზე" წაეყვანათ, მაგრამ გერმანულმა კლუბმა მხოლოდ შინჯი იყიდეს 6.4 მილიონ ფუნტად.
სწორედ ასეთი შეთავაზებით მიმართა "იუნაიტედმა" "სპორტინგსაც" და კარვალიოს ნაცვლად ანდერსონი და გარკვეული თანხა შეთავაზეს მათ. "ეშმაკუნებმა" კლუბისგან უარი მიიღეს, ამასთავაე თავად ფეხბურთელსაც არ სურდა მანჩესტერულ კლუბში თამაში და "არსენალში" თამაშს ამჯობინებდა, რადგან "მეთოფეები" ჩემპიონთა ლიგაზე ასპარეზობენ.
მანჩესტერელებს მეორე გეგმაც ჰქონდათ, თუ ვერ გაიფორმებდნენ კარვალიოს, მაშინ "მილანის" საყრდენ - ნაიჯელ დე იონგზე გადაერთვებოდნენ. მაგრამ "როსონერიმ" უარი განაცხადა, საერთოდ მოლაპარაკებები გაემართა.
ზაფხულის დასაწყისში "წითლები" აქტიურად ცდილობდნენ ასევე არტურო ვიდალის ყიდვასაც, მაგრამ არ იყიდეს ჩილელი, რადგან მას ტრავმა ჰქონდა და ფასი ზედმეტად გადამეტებული იყო მისთვის.
სრულიად შესაძლებელია, რომ ამ ფეხბურთელებისადმი ინტერესი ზამთარში განახლდეს და ამ სიას კიდევ ერთი ფეხბურთელი, "რომას" ნახევარმცველი კევინ სტროტმანი დაემატოს, რომელიც ახლა ტრავმას იშუშებს.
წყარო:
http://fapl.ru