ინგლისის ნაკრების მთავარმა მწვრთნელმა, როი ჰოჯსონმა განაცხადა, რომ მის კაპიტანს უკეთესი თამაშის ჩვენება შეუძლია.
ნორვეგიის ნაკრებთან გამართული გუშინდელი ამხანაგური შეხვედრა პირველი იყო რუნისთვის, რომელშიც გუნდი კაპიტნის სამკლაურის ტარების სრულუფლებიანი სტატუსით გაიყვანა. სწორედ მის ანგარიშზეა ერთადერთი გოლი, რომელიც მან 11 მეტრიანიდან გაიტანა და რომელიც გამარჯვების მომტანი აღმოჩნდა.
თუმცა, ღია თამაშში რუნი ნაკლებ შესამჩნევი იყო. მთელი თამაშის განმავლობაში ინგლისელებმა კარში მხოლოდ 2-ჯერ დაარტყეს, თუმცა ჰოჯსონი დარწმუნებულია, რომ რუნი დანიელ სტარიჯთან საერთო ენას მაინც გამონახავს.
"ფაქტია ისაა, რომ ეს რუნისთვის მნიშვნელოვანი საღამო იყო. ის საკუთარ თვზე დიდ პასუხისმგებლობას იკისრებდა. იგი წინ უნდა გასულიყო და პენალტი გაეტანა, რათა მიგვეღწია გამარჯვებისთვის, რომელიც ძალიან გვჭირდებოდა."
"ჯერ ძალიან ადრეა მათ (რუნისა და სტარიჯის) კავშირზე საუბარი. ვფიქრობ არასწორია თითოეული შეხვედრის შემდეგ მოთამაშის ზეცაში აყვანა ან გაკრიტიკება. რა თქმა უნდა რუნის უკეთ თამაში შეუძლია, მაგრამ ვიცით რისი მოცემა შეუძლია მას." - განაცხადა ჰოჯსონმა Goal - თან ინტერვიუში.