ინგლისელი ნახევარმცველი, ტომ ქლევერლი გამოტყდა, რომ მან მარტივად მიიღო "მანჩესტერ იუნაიტედიდან" წასვლის გადაწყვეტილება.
პრემიერ-ლიგის სპეციალური ნებართვის შემდეგ, 25 წლის ინგლისელი ჯარის წესით მაინც გადავიდა "ასტონ ვილაში".
საწყისი ჭორების მიხედვით, ტომ ქლევერლის იჯარა მთელი სეზონის ხანგრძლივობაზეა გათვლილი და არა იანვრამდე, როგორც ეს აქამდე ვიცოდით, თანაც "ვილა პარკის" მკვიდრებს უფლება ექნებათ ტომის ტრანსფერი სრულად გამოისყიდონ წინასწარ შეთანხმებული ფასის სანაცვლოდ.
ქლევერლის სიტყვებით, იგი დიდხანს არ დაფიქრებულა გადასულიყო თუ არა ლამბერტისა და კინის გუნდში.
"მწვრთნელსა და როისთან ერთად მუშაობის პერსპექტივამ, რომლებიც თავის დროზე დიდებული ნახევარმცველები იყვნენ, "ვილაში" გადასვლა ადვილი გახადა. "
"მოუთმენლად ველოდები მათთან და კლუბში მყოფ სხვა ისეთ ნახევარმცველებთან ერთად მუშაობას, როგორებიც ფაბიან დელფი და ეშლი ვესტვუდი არიან. ასევე დანარჩენ ბიჭებთან ერთად, როგორებიც კირან რიჩარდსონი, ჯო კოული და კარლოს სანჩესი გახლავთ."
"ამ სეზონში "ვილას" თამაშებს ვუყურე და ეს ძალიან კარგი სტარტი იყო. ყველა დიდი შეხვედრა ჯერ კიდევ წინაა და იმედი მაქვს დიდ შეხვედრებში ჩემი გამოცდილება მათ წარმატების მიღწევაში დაეხმარებათ."
"ამ გუნდის საფეხბურთო სტილი მომწონს. ისინი პასისა და მოქმედების გამოყენებით, დიდ ენერგიას ხარჯავენ. აქ ძალიან ბევრი კარგი ახალგაზრდა. მწვრთნელმა მითხრა, თუ ოგორ აპირებდა მოედანზე ჩემს გამოყენებას და ეს იდეალურად შემეფერება. მოხარული ვარ, რომ "ვილაში" სათამაშოდ გადავედი." - განაცხადა ქლევერლიმ კლუბის ოფიციალურ საიტთან ინტერიუში.