ლუი ვან გაალის ყოფილი თანაშემწე, პატრიკ კლუივერტი თვლის, რომ დეილი ბლინდს შეუძლია "მანჩესტერ იუნაიტედის" წამყვანი ფეხბურთელი გახდეს.
სატრანსფერო ფასის მიხედვით, ბლინდში გადახდილი თანხა წელს განხორციელებულ ტრანსფერებს შორის ყველაზე მოკრძალებულად გამოიყურება. მხოლოდ 14 მლნ. ფუნტი, თუმცა კლუივერტი დარწმუნებულია, რომ ფასს არავითარი მნიშვნელობა არ აქვს.
"დეილი ბლინდი ძალიან ჭკვიანი ფეხბურთელია, რომელიც შესანიშნავად ხედავს თამაშს. ეს მსოფლიო ჩემპიონატიდან გამოჩნდა, სადაც ყველა შეხვედრაში მიიღო მონაწილეობა."
"ის წამყვანი მოთამაშეა და მცველებს, ნახევარმცველებსა და თავდამსხმელებს შორის დამაკავშირებელ ფიგურად ითვლება." - განუცხადა კლუივერტმა talksport-ს.