"მანჩესტერ იუნაიტედის" არგენტინელი ნახევარმცველი, ანხელ დი მარია 2013/14 წლების სეზონში მადრიდის "რეალში" მხოლოდ კრიშტიანუ რონალდუს გამო დარჩა. ამის შესახებ თავად დი მარიამ განაცხადა ინტერვიუში, რომელიც მან პრესას მისცა.
26 აგვისტოს დი მარია "მანჩესტერ იუნაიტედის" ფეხბურთელი გახდა და მასში გადახდილ იქნა 59.7 მლნ. ფუნტი, რის შემდეგაც დი მარია ინგლისური ფეხბურთის ყველაზე ძვირადღირებულ ფეხბურთელად იქცა.
"ბოლო პერიოდში "რეალში" მხოლოდ კრიშტიანუ რონალდუს წყალობით ვთამაშობდი, რომელთანაც მეგობრული ურთიერთობა მაქვს. ის ყველაფერს აკეთებდა იმისთვის, რომ "რეალში" დავრჩენილიყავი. მაგრამ მე მოედანზე ყველაფერს ვაკეთებდი და ასე იყო გუნდში მისვლის პირველივე დღიდან. საერთოდ არ ვფიქრობ იმის თაობაზე, რომ ინგლისური პრემიერ-ლიგის ყველაზე ძვირადღირებული ფეხბურთელი ვარ, ამიტომაც ზეწოლას არ ვგრძნობ. მე უბრალოდ მსიამოვნებს "მანჩესტერ იუნაიტედის" მაისურის მორგება, გუნდის, რომელშიც საუკეთესო ფეხბურთელები გადადიან." - აცხადებს დი მარია.