"მანჩესტერ იუნაიტედმა" და "არსენალმა" დენი უელბეკის ტრანსფერის თაობაზე შეთანხმებას მიაღწიეს, რის შედეგადაც დენი "ემირეიტს სტედიუმზე" ხანგრძლივი პერიოდით გადავიდა.
23 წლის ინგლისის ნაკრების წევრი "იუნაიტედის" აკადემიის აღზრდილია და მას გუნდის რიგებში 142 შეხვედრაში 29 გოლი აქვს გატანილი.
ტრანსფერის მოსაგუარებლად მხოლოდ ფორმალობაა დარჩენილი.
"მანჩესტერი" დენის მადლობას უხდის სამსახურისთვის და წარმატებებს უსურვებს.