დეილი ბლინდი "იუნაიტედის" ფეხბურთელია, ინგლისელებს ეს ტრანსფერი 14 მილიონი ფუნტი დაუჯდათ.
"მე ძალიან მოხარული ვარ ამ უდიდეს კლუბში გადმოსვლით. ვან გაალი შესანიშნავი მწვრთნელია, მე მასთან მიმუშავია და მისით გაოცებული ვარ, ერთი სული მაქვს როდის დავიწყებთ ერთად მუშაობას."
"აიაქსში" 7 წლიდან ვთამაშობდი და ყოველთვის ძალიან კარგი მოგონებები მექნება ამ კლუბთან დაკავშირებით." - განაცხადა ბლინდმა.
"ის შესანიშნავი ფეხბურთელია და მე მოხარული ვარ, რომ ჩვენ ის შევიძინეთ. იგი შესანიშნავად აზროვნებს და მოედნის კარგი ხედვა აქვს, ის ინტელიგენტი მოთამაშეა." - ასეთი კომენტარი გააკეთა ლუი ვან გაალმა ბლინდთან დაკავშირებით.
ბლინდს ჰოლანდიის ნაკრებში 19 მატჩი აქვს ჩატარებული და უდიდესი წვლილი შეიტანა ჰოლანდიის ნაკრების წარმატებულ გამოსვლაში 2014 წლის მსოფლიო ჩემპიონატზე, იგი დასახელებულია ჰოლანდიის 2013/14 წლების სეზონის საუკეთესო ფეხბურთელად.