"მანჩესტერ იუნაიტედის" ინგლისელი ფორვარდი დენი უელბეკი სატრანსფერო ფანჯრის დასრულებამდე კლუბის დატოვებას აპირებს.
23 წლის თავდამსხმელი შეიძლება "არსენალს" შეუერთდეს. "მეთოფეები" ოლივე ჟირუს ტრავმის შემდეგ ფორვარდის ძიებაში არიან.
The London Evening Standard-ის მიერ გავრცელებული ინფორმაციით დენი უელბეკი უკვე ლონდონში, "არსენალის" სავარჯიშო ბაზაზე იმყოფება, სადაც ინგლისის ნაკრების ვარჯიში მიმდინარეობს. ტრანსფერის ბედის გადაწყვეტა, მხოლოდ "არსენალის" მთავარ მწვრთნელს არსენ ვენგერს შესწევს.
უელბეკით "ტოტენჰემიც" ინტერესდება. "მამლების" შეთავაზება ერთ წლიან არენდას გულისხმობს. ისინი არ არიან დაინტერესებულები მიმდინარე სატრანსფერო ფანჯარაზევე უელბეკის შეძენით და არც "იუნაიტედს" სურს მისი სამუდამოდ გაშვება. "ტოტენჰემი" დენის სათამაშო დროს ჰპირდება, რაც მას ინგლისის ნაკრებში ადგილის დაბრუნებაში დაეხმარება.