ჯონი ევანსი გამოტყდა, რომ მისი გუნდის თითოეული წევრი იმედგაცრუებულია "ბარნლისთან" ნაჩვენები შედეგით და თვლის, რომ ეს თამაში მისი გუნდისთვის გაკვეთილი იქნება.
"ვფიქრობ, საფინალო სასტვენის შემდეგ ჩვენი გუნდის თითოეული წევრი იმედგაცრუებული დარჩა. უკანასკნელი 20 წეთის განმავლობასი მეტოქის საჯარიმოში დავმკვიდრდით, მაგრამ ამისგან ვერავითარი სარგებელი ვერ ვნახეთ. მას შემდეგ რაც მეორე ნახევარში მატჩზე კონტროლი დავაწესეთ, ჩვენ ბურთის ფლობის მაღალი მაჩვენებელი და უფრო მეტი ზუსტი გადაცემები გვქონდა, მაგრამ ამას არაფერი შედეგი არ მოჰყვა."
"ჩვენ ახალ სქემას ვეჩვევით და ამაში მოთმინება უნდა გამოვიჩინოთ. ასეთ განლაგებაში მცველები ხშირად თამაშობენ მეკარეზე და "ბარნლის" მოთამაშეებიც ამით სარგებლობდნენ. რას ვიზამთ, ეს მომავლის კარგი გაკვეთილი იქნება."
"ბარნლისთან" "ტორფ როუდზე" გამართთულ შეხვედრაში "მანჩესტერ იუნაიტედის" არგენტინელი ახალწვეულის, ანხელ დი მარიას დებიუტი შედგა.
"ვფიქრობ ანხელს კარგი დებიუტი ჰქონდა. იგი ჯერ კიდევ უნდა მიეჩვიოს ინგლისურ ფეხბურთს, მაგრამ ვფიქრობ, რომ მან თავისი კლასი აჩვენა. დარწმუნებული ვარ ის ძალიან მნიშვნელოვანი ფიგურა იქნება გუნდში"