Sky Sports-ის ინფორმაციით, "იუნაიტედმა" "მონაკოსთან" შეთანხმებას მიაღწია და რადამელ ფალკაო "წითლებს" იჯარის წესით შეუერთდება. კოლუმბიელ ფეხბურთელს პირობების შეთანხმება და სამედიცინო შემოწმების გავლა დარჩა, რის შემდეგადაც ოფიციალურად დადასტურდება მისი ერთ წლიანი ტრანსფერი. გამოცემის ცნობით, დღის ხუთი საათისთვის (თბილისის დროით 20:00) ფალკაო "კარინგტონზე" ჩავა და დაღამებამდე ინფორმაცია ოფიციალური გახდება. მოგეხსენებათ, "იუნაიტედმა" ჩიჩარიტო არენდით "რეალში" გაუშვა, უელბეკი კი დღის ბოლომდე სავარაუდოდ "ტოტენჰემს" შეუერთდება. რობინ ვან პერსის მუხლზე ოპერაცია ესაჭიროება, რის გამოც ის ორ თვეს იუქმებს. "წითლებმა" მათ შემცვლელად ფალკაო აირჩიეს, რომელსაც შეთავაზებები "არსენალიდან" და "სიტიდან" ჰქონდა. გუშინ კოლუმბიელ ფეხბურთელის ბედს "სიტის" უკავშირებდნენ, დღეს დილით "იუნაიტედში" 65 მილიონიან ტრანსფერს, საბოლოო ცნობებით კი ის მანჩესტერის "წითელ მხარეს" არენდის წესით შეუერთდება.